ჩვენ შესახებ
თბილისის მედიათეკა

თბილისის მერიის მულტიფუნქციური ბიბლიოთეკების გაერთიანება

თბილისის მედიათეკების ისტორია 2013 წლის 29 მარტს იწყება, როდესაც ვაკის პარკში, პირველი ფილიალი გაიხსნა. მედიათეკა წარმოადგენს კულტურულ-საგანმანათლებლო პლატფორმას, რომელიც მომხმარებელს სთავაზობს თანამედროვე და კლასიკურ, ქართულ და უცხოენოვან, მხატვრული და დარგობრივი ლიტერატურის ვრცელ ბიბლიოთეკას, წყნარ სამუშაო სივრცეს, კომპიუტერულ მომსახურებას, სახელოვნებო თუ სამეცნიერო ღონისძიებათა ფართო არჩევანს და სივრცეს საქმიანი და შემოქმედებითი შეხვედრებისთვის.

მედიათეკის მიზანია ხელი შეუწყოს ნებისმიერი პროფესიისა თუ ინტერესის მქონე ადამიანთა კულტურულ-საგანმანათლებლო განვითარებას და მიაწოდოს კონკრეტული სერვისი არსებული ტექნიკური ინფრასტრუქტურისა და ადამიანური რესურსის გამოყენებით.

მედიათეკის  შენობები მოიცავს იზოლირებულ სამკითხველო დარბაზებს ბავშვებისა და მოზარდებისთვის, მთავარ სამუშაო სივრცეს და ეკრანითა და პროექტორით აღჭურვილ მულტიმედიურ ოთახს, სადაც იმართება ფილმების ჩვენება, პრეზენტაციები და სხვადასხვა ტიპის სახელოვნებო შეხვედრები. მედიათეკის ამოცანა, არა მხოლოდ საკუთარი, არამედ მომხმარებელთა და პარტნიორთა პროექტების განხორციელების ხელშეწყობაა.

მედიათეკების წევრობა ფასიანია. ამჟამად მოქმედებს ორი ძირითადი საშვი: ბარათი ა და ბარათი ბ. მომხმარებელს ასევე შეუძლია ისარგებლოს ერთჯერადი ვიზიტით, საქმიანი შეხვედრებისთვის კი ცალკე სივრცეა განკუთვნილი.

ამჟამად ფუნქციონირებს სამი ფილიალივაკისვარკეთილისა და ნაძალადევის.