ფილიალები
ვაკე

ვაკის მედიათეკა არის საერთაშორისო სტანდარტების შესაბამისი პირველი დაწესებულება თბილისში და ,, თბილისის მედიათეკების გაერთიანების“ პირველი ფილიალი, რომელიც 2013 წლის 29 მარტს გაიხსნა და მდებარეობს ვაკის პარკში.

ორსართულიანი შენობის პირველი სართული სამკითხველო დარბაზს, მულტიმედიურ განყოფლებას და სამუშაო/სამკითხველო სივრცეებს ეთმობა.  ხოლო მეორე სართულზე განთავსებულია ღია სივრცე/ვერანდა. იმისათვის, რომ მედიათეკის სრულფასოვანი წევრი გახდეთ და ნებისმიერი სერვისით ისარგებლოთ, დაგჭირდებათ აბონემენტის გაკეთება, რომელიც ადგილზე მზადდება. აბონემენტში შედის: დარბაზით სარგებლობა, წიგნის გატანა, ელექტრონული ფონდებით სარგებლობა, უფასო WiFi, პრეზენტაციებსა და მედიათეკის სივრცეში დაგეგმილ სხვადასხვა აქტივობებზე დასწრება.

შაბათ-კვირას იმართება შემეცნებით-საგანმანათლებლო პროექტი ბავშვებისა და მოზარდებისათვის, რომელსაც ,,მედიათეკელი“ ეწოდება. პროექტი მრავალფეროვანია და შედგება შემდეგი საგნებისაგან: მოგზაურობა წიგნის ჯადოსნურ სამყაროში მსახიობებთან ერთად, ხატვისა და ხელნაკეთი ნივთების მასტერკლასი, მუსიკის საათი, გავეცნოთ ხელოვნებას, ეკოსაათი (გარემოს დაცვა), ფოტოხელოვნება, უნარების სახელოსნო ,,ლეგო“, ფსიქოლოგია (სხეულის ენა), კინოსა და ანიმაციის სამყარო და მკითხველთა კლუბი.

სამუშაო საათები: სამშაბათი-კვირა 11:00-21:00

დასვენების დღე: ორშაბათი

მისამართი: ვაკე, ილია ჭავჭავაძის გამზირი #76, თბილისი 0162

ტელ: 2241024